الدنيه ترفل حزن
و الحزن ينگل حزن
او ينزف عذاب او ويل
والصبح لا مو صبح
اخيوطه هندس صفن
گطعهه ضيم الليل
عالمكشوف صار اللعب
كلشي صفه تمثيل
واحد ألك تسعه اعليك
من هذا الزمان ادخيل
الباطل تعله او صلف
ما چنه چان انحيل
والحگ أتنازل غصب
ايلوذ بكتر مستحه
ما بيه أبد كل حيل
كلشي انگلب يا زمن
او كلشي ابوكتنه صفه
قابل إلى التأويل
الغيره٠٠٠!
الكرامه٠٠٠٠،
الشرف٠٠٠٠!
والصدگ حته الصدك
صار الصدگ تمثيل
تاه رباط الحچي
والحال كلمن اله
يتغنه قال او قيل
بس حمد ظل حمد
ذاك اعله طيبته
امتناني بعده الريل
ابكحل المحطه ضوه
أيرد الغنه ترتيل
احديثه توه العشگ
دغدغة صدرهه هيل
يتباهه بيه الوفه
خاواه كحله او ميل
ديدانه حچي الصدگ
او طبعه طبع اكحيل
ما عاف دربه حمد
اشما صار دربه اطويل
طبعه المشي ابرهدنه
ميهمه طراد الخيل
اشما هندس ظلام الوكت
عروف نجم اسهيل
واضح وضوح الشمس
ما يحتاج كل تعليل
بين النجم هو الگمر
او هو الشمس بالليل
يا حمد تبقه حمد
او للناس نجم اسهيل
للناس نجم اسهيل
