بالحصار
العين مطفيه
وجبل نار
وتعب ينسج
خيوطه
بنولهم
الرفاق هناك
عطشانين
قبل الموت
شربوا بولهم !
اغتراب
مغترب
مو اي نهر
مغترب
عن دجله
صيَّرِت جسمي
ورد
يتفقّدك
نحله !
البصرة من تنتفض
روح النخل
ترتدي
من الصبح
ثوب الرفض !
المعاناة
من تحب من طرف واحد
وتفتكر : سرَّك عميق
الناس كلها تشوفه
وجهك
حقل حنطه
وشب حريق
المعاناة من تشوف
الماضي
اجمل من تواريخ الزمن
والوطن
تشتبه بيه
يشبه وطن !
المعاناة
من تصير اخرس
وعينك بالسمه
وانت شاهد
غير موثوق
بنهاية ملحمه
المعاناة
من تشوف
أحلامك بطرف
السرير
نازعه النظّاره
،طقم اسنانها الوردي، الحواجب
والرموش
وطافيه
بشط الحرير!
مدار
كون روحي
تصير نجمه
وروحك الها تصير
يحبيّب : مدار
تحتمل بعد المسافه
والتشظي
والكسر
والانشطار
وغفله منك
تشتعل بالنار
نار !