1.

الحدايق بيت بلبل

وانت تبنيله قفص،

ليش چا هوّه اليغني..

ايعيش..

لو حطيت بلسانه مگص

 2.

الدفوف..

اشويه من جلد الغزال

الدفوف تسكت بلايه الجفوف،

والغزال يحلم بجلده..

يطشه النه فرح

 3.

الحجول

حتى لو من فضه چانن

ليره تلهث ..

من تلف ع الساگ شذرات

وتضوي ..

وتحسب الخطوه غزل..

والساگ ملوي

 4.

الگصايب غيمه

 تنزل عل المتون

تغطي ذاك الصوب..

من تنثني عبله..

يفيض نهر امتونه

لاخر نفس،

عطر ..وشجون

5.

الچراغد حدر شمرتها

بخت..وهلال فضه.

ووشم تحلف بيه الوادم،

والشذر ينساب وي شيباتچ

الحلوات ..

حد چف البخت خرزات سبحه