إليه وهو يدري!..
بطيت هواي يمتى تلين؟
يمتى تحن يغاتي ولحظة الانصاف يمتى تحين؟
طالت فشلتي وشماتي متونسين
هاي دهور
والناعور بس يدور
ليش يدور؟
عرف روحه خشب مانكر فضل الطين
تانيتك سفينه و ما حويتك نوح
بس طوفان منتظرين
چم يونس جزانه وما حظينه بحوت
شهوة موت مصنوعين
سلاية گصب ما تشتهي بس هور
شجالك ذابها بحمرين!
جرح عارك جرح والصبر ليل جروح
وين تروح؟
حوبة روح…
حوبة ناس تعبانين
لا بينه صبر ايوب …
لا عدنه خلگ تابوت…
لا جنحان من شاهين
وجربته الزرع عاگول…
وآنه بكل حماقة راي ..
كل عقلي احوش التين …
تانيتك ربيع وجيتني تشرين