الى اتحاد الطلبة العام في جمهورية العراق بمناسبة ذكرى تأسيسه
خلگ شاعر
عشگ بدوي
غوه احديثه او صبر تابوت
أجو لأم السباع أجدام ترفه
او داسوا اعله الموت
ورد والورد من غار
يغنون او عوافي الصوت
شتلوا للوفه برعم
كبر بزنودهم شجره
حدر فيهه
نهران النضال اتفوت
غدت ام السباع
ابجالهم جنه
طگ بيهه الحلم
وي الأمل عالي
ما يقبل صده البسكوت
ولا يقبل أبد تأويل
صدگ الصدگ هنياله
والف هنيال
كلمن سمع هالصوت
فرحه ابعين المحبين
او تمر اسنين
لا مرت چثير اسنین
او تمر اخرى
او بعد اخرى
قناديل السوالف
شعت أبكل بيت
لمت كل محاچی الناس
طشت شوگهم چكليت
يا ام السباع
أشمحله ذاك اليوم
ملگه أحباب
تسيورة عزيز او ليل
خضر كل جدم لبلاب
بوسة عشگ للطيبين
او حدر جدم اليضد تيزاب
ابصواني اشموع خضر الياس
عبرت اعله الوكت خنياب
والنجمات
نجمه عيد
او غنه نجمه
او نجمه حنة عرس
بچفوف الحديثات
مراجيح القصايد
طرزت كل صوب
كل بيت او محطه
او شارع او كل ثوب
وي صوت القصيده
الصفگه والصفگ
یصيخ افيش
(النوب٠٠النوب)
علت فوگ
فوگ الفوگ
طگ الجوري والنعناع
بيه اتباهت الأيام
تحلم بيه
رغم ضيم السنين اشراع
اذا هي ام السباع
اولادهه ياهم
يعني اسباع ولد اسباع
والله اسباع خوش اسباع