لّلي إشلون أعيد ..؟

وآنه بيّه أحزان عاشور

عطش .. وأطفال ...

وخيام .. وسبي

وبروحي دم إيفور

الشمر ..

ذاك الشمر بعده

إيحز إرگاب ويدور

وتبدل حرمله إبقناص

وگام القوس يرمي إرصاص

والنشاب ...

صار إبهلزمن

طلقه صديقه إمن إيد الأحباب

صار الموت ...

تابوت إبأثر تابوت

وعزرائيل ..

نزع كل الخجل

وبكيفه ظل إيفوت

ياهو اليجي يتمندل علينه

وإحنه إبلا نفس ..

لاحس ولا صوت

نكابر چذب ..

ونداوي الجرح بسكوت

نصبر عالشدايد ..

نعبر الكلفات

گضّينه الليالي ..

إبلايه نوم إنبات

وسنين العمر...

مرّت علينه إبظيم

صدمات إبأثر صدمات

كل هذا ..

ويظل بينه الأمل للدوم

نزرع بالدروب أورود

نضوي شموع لأيام التجي

نرفع للحلم رايات

وتصير السمه گمریه ومرایات

*************

بحر عينك

هيفا العامري / امريكا

 اغوص انه إبحر

 عينك ..

 وأصيرن للسفينة

 اشراع …

 يمشي وشايل

 آمالك ..

 والضحكه نغم ومعطره

 بنعناع …

 مشتول بسواحلنا ..

 وفارش

  بينه .. ذيج

 الگاع …

 كلها احلام

 ورديه .. وشمس

 واشعاع …

 شع الدنيا

 بأنواره ..

 وتشوفه اعيون .. سود

 اوساع …

 كحلها من سواد

 الليل ..

 گمره ..

 وغيرت

 الاوضاع …

 حلوة اسنين

 اهالينا ..

 ورد للناس

 ماينباع …

عرض مقالات: