بيت الشمس...!! / ناظم السماوي

الى الذين يكرهون الشمس...!!

رادو...يحبسون الشمس...!!
بس ما...لگو...زنزانة...!!
ترهم للحبس...!!
ومن عطشو هاي الشمس...!!
ما...شربت الماي النگس...!!
إشگد...حاولو...نبتعد...!!
عن درب الشمس...!!
گنالهم...أيام...المزبن...گضن...!!
ونگضت أيام الحبس...!!
وهسه الشمس...!!
سكنت إبيتأحبابهه...!!
بالأندلس...!!
٢٢/آب/٢٠٢٠
***********

شمتانين / حمزة الحلفي

كصت بينه السيوف..
وذبح ترس العين
شمتانين؟؟
فضوهه المنايا تحوك بالساعات
واحلوك الشوارع تاكل الميتين
شمتانين؟؟
شوارعنه حمر صابغهه لون الدم
وسره اعلى الموت شوف اشلون مصطفين
شمتانين؟؟
بغداد العروس اتحولت تابوت
ورجالات الحكومة جنهم معرسين
موفاض الصبر وانتو ولا عالبال
وعلى حب الكراسي صرتو نجارين
شمتانين؟؟
اغيوم الحرب تمطر جمر عل الناس
وانتم روس تمشي بناس متغطين
شمتانين؟؟
حوارات الموائد والسمج مسكوف
وبصحون المصايب احنه متعذبين
تموت اطفال عدنه برهبة البارود
وانتو اطفالكم بالغرب محروسين
بعد بسكم حملنه من الصبر اطنان
وتسجيل الصبر ماينكتب مرتين
لاحت والحلوكاطشرت بالريح
وضاعت من دربهم باثر زين وشين
تكولوناتفقنه وهي حسبة يوم
جاوينه التوافق كلكم متنكين
ياعمي الجرح مايمض بالمنشار
بس ياذي الخشب من ينشطر نصين
صلوها اعلى قبله الشعب فاضت بيه
بعد هي تلوج بينه الواحد وتسعين
طز بكل سياسة التعبد الدولار
العراق يموت اكعد هز ضميرك زين
***************

بغداد ماتنطفي / سامي عبد المنعم

بغداد ماتنطفي ...
ولا صوتها إيموت
مثل الهوه ..
إبكل حيّز إتفوت
مثل الشموس التضوي البيوت
مثل المحبه ...
تنبت إبكلگلب بسكوت
مثل الشمع ..
تبچيبلا صوت
بيها الگهاوي ..
والمضايف والفناجين
بيها العشگسولة مجانين
بيها إنكتب ..
أوّل حرف بالبردي والطين
بيها النخل والشعر والليل سهران
بيها الحصيري يمشي سكران
بيها الچفافي أشكال وألوان
بيها أبو گاطع ..
للصراحه صار عنوان
إبكل بيت من چلماته نيشان
بيها القصايد ..
والأغاني والمواويل
بيها الضوه وبيها الشناشيل
بيها ( النواسي ) ..
شايل الكاس
بغداد ...
ماطخت أبد راس
وما حسّبت فد يوم تنداس
من يگدر ..؟
إببغدادناإيعيل
بس الورد والياس والهيل
*************

الصبي اليافع / علاء الماجد

الى الشهيد (سائق التكتك) عبدالله وليد مويح

يا خيتي يا ام عبدالله
هذا ابنچ ربات الوطن يا خيتي
ربات الهور والدله
هذا نجمة ليل تضوي ادروب
حته گلوبنه
لهذا الوطن بالكلفة تندله
هذا ابنچصعد للغيم
صعدت روحه مشتاگه
والوطن ينده انجومه
يصيح بويه امنين ابوسك
وانته قندون العرس ومزوگازواگه
صافي صفات الفضه يا ريان
يل خدك ولا خيط الشمس من ينطيمشراگه
هذا بصدره شبت نار
وحشم كل اخوته يريد يأخذ ثار
هذا من الرميثة .. وصولة الانبار
من بصرة الطيبه وسارية ذي قار
من زلم التهدعالطوببالمگوار
صهيل اخيولهالشگره رعد كزار
حوافرههتلهلب نار
وفوگاسروجالكحيلات..
ما ينشاف..
بس سيف العراقي وحملة الكرار
* * *
هذا ابساحة التحرير
يذكر ثورة العشرين
ويرسم للوطن نجمات
تتجسد هلال
بملحمة (تشرين)
*************

المو كدهه ايتكتر يبتعد ليغاد / ليلى البهادلي


راح ارسم نخل وارسم عليه اعثوك
واصيحن وين يامن جان يتمنه
وراح ارسم حديقهمكركشه بنعناع
وزغران البنات ابمي يرشنه
وراح ارسم جبل والهور والشلال
وهدير االماي اسمعه الحد المسنه
ورسملك طفل يركص الصوت الناي
وثوبه احمر او وجهه امزاعل الونه
ورسملك صحاري امحملاتاورود
وانشدهن الماي منين جابنه
ورسملك سجن وافتحلك البيبان
واكلك كضت باب الفرج صار النه
ورسملك سمه ومطرزه بنجوم
ورسملك كمر جن ليلة الحنه
ورسملك بلابل والقفص.مكسورمابي باب
يشتاقن يزورنه
وارد ارسم كصيبه ابصفهه احط جناغ
اتصيح بصوت ابد مافارك الحنه
وراح ارسم ابوي العامل التعبان
واصيحنياخواتيالجايحيينه
وارسملك مسايل واكف عللباب
بس رافع شعار العوز مو النه
ورسملك عراق مجتف من سنين
وكومن للحزام ابساع حللنه
الحارس مو امين وباك كل البيت
متعودين لازم نتهم الجنه
المو كدهه ايتكتر يبتعد ليغاد
انريدالمايفرق شيعه وي سنه
تره البايع ضميره الوطن ماينباع
تمر اسنين اله وهم تطلع الونه