/
/
/
/

دولة دولة مدنية
مطلبنه هيه هيه
...
لا هو صاير لا هو يصير
تقتل شعبك بالتحرير
وين الحق وين الضمير
وين الغيره الوطنية
....
الدولة الدولة المدنية
مطلبنه هيه هيه
....
الناس اختنكت منكم ملت
شالت بيرغ نصر وهدت
متكلي شجابت وشودت
هاي السلطة القمعية
.....
بعزمي وعزمك تقوه الهمة
نجيب النور نزيل الظلمة
صرخة وصوت وغنوه وكلمة
صوت الثائر صوت بميه
.....
لا عاطل بيها وبطال
بيهه تتغير الأحوال
وتتحقق كل الآمال
بيهه الحق والحرية
....
مطلبنا لا للفساد
لا للظالم والجلاد
حكم الطاغي ما ينعاد
وهايه مطالب شعبية
....
بيهه وظايف للشبان
وبيعه تتعمر الأوطان
وبيعه يتكرم الإنسان
لا بوك ومحسوبية
....
خل نتحزم قد حزام
نعلي الصوت عله الظلام
كافي مذلة كافي ألام
ميظل صمت وشعلية
...
حلوه اخبارج يا بغداد
شبانج وفوا الميعاد
وله زمانك يا حياد
كلنه تهمنه القضية
....

حط ايدك بيد الثوار

ما يخسر ابد اللي ثار

يخسر كلمن ظلم وجار

وسخه أفعاله الردية

.......

شما طالت تفرج فد يوم

حكم الطاغي ماهو يدوم

يوم الظالم عالمظلوم

نعدل السكة الملوية

.........
الدولة الدولة المدنية
مطلبنه هيه هيه

تحميل التطبیق علی موبایل اندروید و اپل