/
/
/
/

إلى شباب ثورة الأول من تشرين الأول

مو دم دمكم
نجمه إنشتلت فوگ الگاع
سفينه الوطن ...!
وأنتم للسفينه إشراع
تلگيتو المنيه إبهيبة الثوار
وإتصيحون ...
هله بالموت ... !!
من أجل الوطن حياه
إو يا محلاه
إو نتمناه
أمر منطاع
هوستوله....
أو كل گطرة دم طاحت
رسمت للحياة إشراع
ودعتو الحياة إبزفة إمعرسين
خوش إوداع
الگمر زافوف والنجمات
وأصوات الهلاهل
للمسيره إمتاع
صح عمر الزهور أعماركم
بس يا يوي ... !!
كبرت عالهتاف إبساع
طشت بالدوي چكليت
هيل إملبس إو نعناع
رسمت بالوفه والشوگ
هالة نور
صارت للمجد تذكار
ذوله إزغار...!!
چذب من گال ذوله إزغار
زلم و إكبار
لا وأكثر بعد أحرار
أنطيتو درس بالثوره للثوار
چذب من گال مو واعين
لا واعين كلش زين
وإتعرفون شنو الصار
هله يالصوتكم إعصار
دمكم صار
مشعل نور بس بيه نار
رسم درب الحقيقه
الما عليهه إغبار
رسمهه إلچاه نجمه
إويه اللعد والياب ولك داد
طاف الناصريه ... طور شطراوي
سيكاه مقام إتكحلت بغداد
يجيفارا عصرنه ..
إو سندباده إو زود
كفو أو نعمين طاريكم
جيفارا إو سندباد
يا دم الشهيد الطاح
خضرللشهاده أوتاد
مو دم دمكم ..
خريطه إو للطريق إبعاد
للجد للمجد هيبه
زلازل ترعب الأوغاد
وطننه البيه هيچ إسباع
مهيوب إو يظل مهيوب
غصباً عالعدو ينطاع
خسران اليغنّي إبطور مو طوره
ما راضع حليب أمّه
خرده إو للغريب إنصاع
وإبسوگ الخيانه رافگ الدلال
والقفاص والصيّاع
وافق بأبخس الأسعار
خسه .. إو للضماير باع
يا صوت الدوه بركان
حدر أجدامهم رج الگاع
دوي والصوت عالي إيصيح
چذاب إو ألف چذاب
من گال الوطن ينباع
بيرغ يخفگ إويه الريح
عالي إو للطلب فزاع
عراق إو يشهد التاريخ والأيّام
ثابت ما تهزه الريح
چذاب اليگلك طاح
مجنووووون اليگلك ضاغ

تحميل التطبیق علی موبایل اندروید و اپل