گومو ويانه خل انعيده
للهوه وينطي شما عنده
ما ترهم الدنيه بلا عامل
ولا نهر بلا ماي
يله انطش ع العالم فرحة ..
ونهدي العامل غضن بوردة
گومو ويانه خل انعيده
مفتاح التغير ابصوته
ودرب الخير ابيده يعبده
ضحه جثير بدمه وما مل
وتاريخ العالم يشهدله
گومو ويانه خل انعيده
الجرخ الدنيه ابزنده ايفره
وجاكوجه للكون اتحده
شامخ مثل النخلة ويزهي
وللمظالم ما صغر خده
گومو ويانه خل انعيده
امنطراف العالم لبلادي اتوحد صوته
مثل البحر اليصعد مده
وسور الصين واور وبابل وآثار العالم كلتهه
عزمة واصرار السيده
گومو ويانه خل انعيده
يبني ويصنع لجلي ولجلك
شهم وما يبخل بالعنده
وصوته الدوه كاورباغي
وبالبصرة هندال اتريده
(حي ميت هندال انريده)
گومو ويانه خل انعيده
يصدح صوته بنص بغداد
ونصب الحرية اليشهد له
وعيد ايعم العالم كله
وخابو كلمن وكفو ضده
گومو ويانه خل انعيده
لليهوه وينطي اشماعنده
گومو ويانه خل انعيده