السچه الك
ووجوهنه اعيون بدرب
تعبانه وتخم عالصدگ
والوكت ناقوسه يدگ
فز يا گمر
ماعادت النومه توديلك حلم
وانت اسم
تبرج على أچتاف النجم
انهض على أعتابك محب
وحشه الشوارع منك ومن كل عذب
فز يا گمر
وعيون تندهلك عتب
شد حيلك بچلمة كفو
العنبر ايحب ريحته
وبنكثه من غربيلك ايطيح اللفو
رد بينه من أول محب
رد بينه حشم منجلك
والعونه من اهلي وهلك
والناس تتنطر الك
كالوا غفه ... گالوا طفه
گالوا هلك
و....شالوا اعيوب المو الك
حطوها الك
فز ياگمر
وحشة ضوه
ومشتاگه ليك ادروبنه
وعيون تاهت لانشد
ويريح نبض أگلوبنه
والليل كلش غلس
وهندس شوارعنه
وضويات الوكت
شو ماتضوي بصوبنه
فز ياگمر
عطشت ارواح
تريد خيط من الفجر
يروي گلب تاعوبنه
انهض وهز بمنجلك
وگفه اعله حيله
وذهب صاير سنبلك
السچه الك