ادخل ..

لا تظل بالباب

البيت بيتك

وأنته بي تنهاب

أدخل ..

يا هوى الخمسين والستين والسبعين

بعدك شاب

انته الحيل يا بو الحيل

ومن حيلك نمد اجسور للغياب

...................

فهد من دك أساس البيت

راد البيت يجمعنه

وإحنه بغير هذا البيت

ماامش بيت يوسعنه

بخت.. هذا بخت

ينرادله امداراة

ودنيه ابلا بخت ما بيها كل معنى

.................

فهد يا بوي ..

بعدنه بسجتك ماشين

وبعدنه نزامط بلينين

وبعدهه الناس تسمعنه

..................

واعذرنه ..

لون مره انتجينه اعله الرمح

ومدينه ادينه نصافح العفنين

جان الليل كلش ليل

والظلمه الثجيله تجلجل اعله العين

لجن طبع الأصايل من تكع للكاع

تكوم بحيلها وترتاب منها اسباع