إلى الخالد العظيم الحزب الشيوعي العراقي

في عيد ميلاده الرابع والثمانين أكتب خلجات

ضمير صادقة

عشگك حزبنه عشگ

أتخطه ابفخر كل العشگ

كل عشگ  دونه چذب

بس!!!

عشگك انته صدگ

إو لو ما هذا العشگ

من صدگ

چا مرتقه ...

 شوگ المشانق فهد

أو چا ماعشگ

هور الفخاتي حمد

إو چا ما خطف عالدنيه طير السعد

إو چا ما صاحت العمال

صوت ابأسم هندال

إو چا ما صار

منشيت الجريده

(حي ميت هندال إنريده)

** **

عشگ الحزب يا عشگ

عشگ الملح للطين

عشگ إلزرازير إبمحنه

الفي البساتين

عشگ العراقي الثورة العشرين

يا عشگ أول عمر

أو يا عشگ آخر عمر

عمري جزه السبعين

بس ابمحبتك صَبي

غض ما جزه اثلاثين

شأهديلك ابمولدك

يا جنة الطيبين

عمري ابتسامة  ورد

يالعشرتك باقة ورد

 اشما كبرن اسنينك ترد

عشگ ابدويه او غوه

اشموع او تفض عالخلگ

باترف سوالف ضوه

نرجس تعطر الهوه

يالعمرك ابلا حسد

اتخطه الثمانين

بعدك وحگ طيبتك

انته ابشباب العمر

ما واصل العشرين

أشم عتگت اسنين الزمن

أتخضر اسنينك جديده

او هذا المطلوب اللي انريده

** **

عشگ الحزب يا عشگ

لوحه ابگلب فنّان

يتباهه بيه الوكت

شوگ ابضمير انسان

يتحده ابمرجله

اشميصير واشما صار

شمعه او ضوه ابكل درب

 ابگلب النخل جمار

يالواگف أبكل الوفه

ابكل هيبه

كل احساس

گمره

او محنه

او شمع

اتضوي طريق الناس

اسمك حنان اسمك

او رسمك ترف رسمك

بالهمه بالوجدان

مرسوم لوحة وفه

ابريشة ألف فنّان

يا چلمه يا أجمل حرف

 في بيت من أحله قصيده

 يا عشگ تتمنّاه كل الناس واتريده

عرض مقالات: