/
/
/
/

الناس

مرة سألني الثلج عن حالتي وگتله: بردان حد العظم

ومره سألني الصيف عن حالتي وكتله: محترگ حد الجلد

ومرة سالني الورد وجه الربيع الندي عن حالتي وكتله : مثلك ورد روحي

ومن خاطر بلعبته

وهز حلمي من غفوته

وبوجه شاحب اجه واتلوّن بورقته

گتله حبيبي : السمه تعشق ومضها

واحنه

بخريف العمر

الناس البعضها !

صورة

وجهي حزن قافله

مابين بصره

وشام

ضاعت 

ويمكن تجي 

لوما تجي

وتختفي

اتبيّن

مع الايام

ومحتفظ بيها بشكل صورة زمان الخشب

ع القالب

مجوّمه 

ومكسور بيها الجام !

 إطفاء

روحك طفت بالندى 

مو بالمطر والماي

ها گد جمرها خفت

يطفه

ابنداوة نده

مو بالمطر والماي

هيّ بچت

من طفت

لو من طفت نادت:

يانده طفيتني

من شفت جمري وضع راسه على المنقله ، حس بالتعب وانكمش من الانتظار ونام

والهوا بارد اجه شال الرماد ومشى وتعرّت الايام

وبان الزغر بالجمر 

يكفي نده يطفيه

ليش المطر والماي ؟

يانده

يشتاق الك

ورق الشجر والورد

والعشب

والاحلام 

جفت على عيوني وخايف حلمها ينام

يشتاق لك

باب 

منسي ب جفا الغياب

يشتاقلك

مستحي يضحك على روحه

من يلتمس معذره : عن  بهجته وبوحه

اسرار

بس الخمر يكشفها : مفضوحه 

يشتاقلك يانده

الصبح من أتغيب

يتفقدك ناي

طفيتني يانده

وانا جمر مشتعل

بالندى مو بالماي !

تحميل التطبیق علی موبایل اندروید و اپل