/
/
/
/

شتاء وشتاء

العواصف

والثلج 

والزمهرير

برّه

ترعد 

وانت هادي

بدفو

نايم ماخِفِت

لوبلادك

چا متت 

موته حزينه

مره ظلت تمطر ايام وليالي

ونوح ساكت

طلع

ماعنده

سفينه !

الاختبار

تروح نلعب ع الثلج

نتزحلگ

بغبطه

وضحك ويَّ الزغار؟

 خاف اطيح 

وانا ما متعلِّم

ومعذور

نهر الساعي 

ماعلّمنه

بس انغوص للجرفين

 واحنه بنفس واحد

 واختبار !

الإخت 

وردتين بغصن واحد

بالربيع الراح

گطّعوا منّه اختها

وهي داخت

صابها المس

ونست شكل الفصول

ورده بين الثلج 

تمشي

والثلج يمتد 

مسافات وحقول ! 

قاموس 

معجم غريب

الما يفرّق

بين ميّت واگف

ومابين ميِّت

من زمن

متشبث

ابهل

كرسي

كلما تصفّحته

وردت اعرف

سماتك

حتى اعرف نفسي

مايطلع اسمك

ويتكسّر

حسي

انت الحبيب

وظلمه

منك

شمسي !

الدرس

الدرس:

 ارض بكربلاء

تتسمى طف

واحنه من ازغار 

درس الدين فالت 

والمعلم فاقد

ونعسان

ناسي القصة كلها

وصدفه

شاف احسين نايم

شال ايده

ولا جفن بعيونه رف

وطاخ.......

واحنه 

احنه كل احنه ارتعبنا

ولاذ بينا الخوف سامع

صوت كف

وصاح   :يالله

 احسين ابن كسلان

هسه

تگوم

تطلع راسب

من الصف ! 

مطلوب

آنا بيّاع الجگاير

لليحلفون

بغلاوة 

صّر مهورك

تجتاحني الرغبه

أزورك

بار بالعشار

مالك اسم

عد ام البروم

دَيْن الك عندي 

ثَمَن

بهجة خمورك !

تحميل التطبیق علی موبایل اندروید و اپل