/
/
/

الفــــرق

الصورة بانت من بعيد

مره اعلى

مره اسفل

هيَّ مو عن الفرق

يا عيني

بين أقبح وأجمل

چانت

السلطه القديمه

من تكتلك

تاخذ من اهلك

غصب

ثمن الرصاصه

هسه سلطات

وعلى البارد

تذبحك

كلشي

ما تنطي

ولا تاخذ من اهلك

صارت أعدل !

مجتمع

(للضحايا غير المنسيين ونجمهم: ملك الطفولة!)

الورد يشرب ماي

مو من نهر

يشرب

من رصيف

الفراشه

هزّة الجنحان

ترفه

تخاف تتسمى

رفيف

الطفل

من كثر

ما يلعب

نحيف

الطفل

بعده زغير

ما يعرف

شنو معنى النزيف

فعل منكر

حتى من بدوي

عنيف

مجتمع

يذبح الورده

والفراشه

والطفل

وضح النهار

وبعد

ما يفعل فعلته

يغتسل من دم

على اچفوفه

على اثيابه

على وجهه

وينام

والصبح يگعد

نظيف !

تحميل التطبیق علی موبایل اندروید و اپل