إحلَمِتْ چن إنتَ طير ...
او وكر على عثوگ التمر
باگت الدنیه فرحته ...
او صاعد براسه الخمر
روحه ذابت من غربته ...
و حَس على امتونه جمر
غَرَّد بصوته ..الحزين
گال باگتنه .. السنين
رَدّه للديره .. الحنين
و غنى موال العمر
* * *
و إحلَمِت چن إنتَ دمعه ...
سالت على اخدود الترف
لاذت بصوت البواچي ...
و ضَيّعت أصوات العِرِف
و بيها من ذيچ المحنّه ...
اتفضفض اوياها الزِلِف
و من حر الدمع .. فريت
ول ذاك النخل .. حنيت
ول حِلمَك أَرِد .. ياريت
اغيابك تره كلش كلف
* * *
و إحلَمِت چن إنتَ عيد ...
بساحة التحرير و بثوب الجديد
تغني بأمجاد الشعب ...
و تطشر هلال يا فرح بيد
والشباب اتغني بإسمك ...
يا شهيد اليوم عيد
دمك شاعل الثوره
برگبة كل وفي و حره
بعد ما تِسلَم الجره ..
الشعب كله شهيد
الشعب كله شهيد
15.11.2019 لندن