الى الشهيدة البطلة نور والى شهداء العراق

حياتي ..
او غيرتي او دمي نذرته
لأول الخطوة
اذا طاح الوطن خل ينتچي اعله الروح
اشحلاة
الروح لو صارت إلك تچوه
نور آنه
وعراقيتي ربت وياي
او حنيتي
ارضعتهه من صدر لبوه
واذا
جسر السنك ما عبرچ يا نور
الف مثلچ تعبره ابساعة النخوه

الشهادة للوطن يا نور شيلة راس
اهوايه
المثلي راحت للوطن فدوه
ما تسوه وحياتك دنيه ما تنراد
ابغيرك يا عراق الدنيه ما تسوه
تواعدنه
سوه او تشرين صار إهلال
وهلال العراق ابكل شبر ضوّه
او وزعنه
الخوه أحنه ابساحة التحرير
او دفنه الطائفيه ابلمة الخوه

ربانه
العراق إعله المحبه انعيش
وعشنه
اوياه عله المره وعله الحلوه
النِده إبشفة الورد يلتم ابحسوة ماي
ويا
بخت الورد من يشرب الحسوه
او عراقينه
الحنان البي عشگ ميموت
لان شارب عراقينه لبن شجوه
وعراقينه اذا يتكدر
اويه الشمس كعبه ايصير
وجبل أحد عراقي يظل وشعلوه
وشفت
مشهد ابعيني هز ضمير الگاع
شاب
ايريد يرجع يقترض كروه

يا – هذه العراق اشگد شبعت إهموم
إشگد قاسيت
اشگد نكبات مرن بيك
يبو گلب النظيف الماحمل قسوه
غسلنه
اگلوبنه ابمايك ابوكت الگيض
والما شرب مايك
ندري ما يروه

عرض مقالات: